കോവിഡ് പ്രതിരോധത്തിൽ ധാരാവിയെ അഭിനന്ദിച്ച് ലോകാരോഗ്യ സംഘടന
ജനീവ: കോവിഡ് പ്രതിരോധ പവർത്തനങ്ങളിൽ മഹാരാഷ്ട്രയിലെ ചേരി പ്രദേശമായ ധാരാവിയെ അഭിനന്ദിച്ച് ലോകാരോഗ്യ സംഘടന. ഏഷ്യയിലെ ഏറ്റവും വലിയ ചേരിയായ ധാരാവി കോവിഡ് പ്രതിരോധ പ്രവർത്തനങ്ങളിൽ മാതൃകയാണെന്നു ലോകാരോഗ്യ സംഘടന ഡയറക്ടർ ജനറൽ ടെദ്രോസ് അഥാനം ഗെബ്രിയേസിസ് പറഞ്ഞു.രോഗവ്യാപനം വളരെ തീവ്രമാണെങ്കിലും നിയന്ത്രണത്തിലാക്കാൻ കഴിയുമെന്നു തെളിയിക്കുന്ന ലോകമെന്പാടുമുള്ള നിരവധി ഉദാഹരണങ്ങളിൽ ഒന്നാണ് ധാരാവി, ഇറ്റലി, സ്പെയിൻ, ദക്ഷിണ കൊറിയ എന്നീ സ്ഥലങ്ങൾ ക്രിയാത്മകമായ പ്രതിരോധ പ്രവർത്തനങ്ങളിലൂടെ കോവിഡിനെ നേരിടാം എന്ന കാര്യം തെളിയിച്ചുവെന്നും അദ്ദേഹം ചൂണ്ടിക്കാട്ടി.