ഇടുക്കിയിലെ ബെല്ലി ഡാൻസ്: യുക്രെയ്ൻ നർത്തകിയെ ചോദ്യം ചെയ്തു
Jul 10, 2020, 13:42 IST
നെടുങ്കണ്ട: ഉടുമ്പൻചോലയ്ക്കു സമീപത്തെ റിസോർട്ടിൽ ബെല്ലി ഡാൻസ് അവതരിപ്പിച്ച നർത്തകിയെ പൊലീസ് ചോദ്യം ചെയ്തു. യുക്രെയ്ൻ നർത്തകി ഗ്ലിംഗാ വിക്ടോറിയയെയാണ് പൊലീസും ആരോഗ്യവകുപ്പും ചേർന്ന് ചോദ്യം ചെയ്തത്.ബെല്ലി ഡാൻസ് അവതരിപ്പിച്ചതിന് 5 ലക്ഷം രൂപ പ്രതിഫലം ലഭിച്ചതായും ഫോർട്ട് കൊച്ചിയിലെ ഒരു ഇവന്റ് മാനേജ്മെന്റ് ഗ്രൂപ്പ് വഴിയാണ് ബെല്ലി ഡാൻസ് പ്രോഗ്രാം ബുക്ക് ചെയ്തതെന്നും നർത്തകി പൊലീസിന് മൊഴിനൽകിയതായാണ് റിപ്പോർട്ട്.ജൂൺ 28 നായിരുന്നു ശാന്തൻപാറയ്ക്കു സമീപമുള്ള റിസോർട്ടിൽ കൊവിഡ് മാനദണ്ഡങ്ങൾ ലംഘിച്ച് ബെല്ലി ഡാൻസും നിശാപാർട്ടിയും സംഘടിപ്പിച്ചത്.