Nature

പത്താംക്ലാസ്സുകാരിയെ പരിചയപ്പെട്ടത് ഫേസ്‌ബുക്ക് വഴി; വീട്ടിൽ വച്ച് പീഡിപ്പിച്ചു, ദൃശ്യങ്ങൾ പകർത്തി ഭീഷണിപ്പെടുത്തി പലയിടങ്ങളിൽ കൊണ്ട് പോയി ലൈംഗികമായി ഉപയോഗിച്ചു; വർക്കലയിൽ 22കാരൻ അറസ്റ്റിൽ

വര്‍ക്കല : പത്താം ക്ലാസ് വിദ്യാര്‍ത്ഥിനിയെ തട്ടിക്കൊണ്ടുപോയി പീഡിപ്പിച്ച കേസിലെ പ്രതി അറസ്റ്റിൽ . വര്‍ക്കല ചെറുന്നിയൂര്‍ വില്ലേജില്‍ വെന്നിയോട് ദേശത്ത് കട്ടിംഗിന് സമീപം രേവതി നിലയത്തില്‍ ബിജിത്ത് (22) ആണ് അറസ്റ്റിലായത് . കരുനിലക്കോട് സ്വദേശിനിയായ വിദ്യാര്‍ത്ഥിയെ ഫേസ്ബുക്കിലൂടെ പരിചയം സ്ഥാപിച്ച്‌ സൗഹൃദത്തിലാക്കിയ ശേഷം 2019 ഡിസംബര്‍, 2020 ജനുവരി മാസങ്ങളിലെ വിവിധ തീയതികളില്‍ വര്‍ക്കല പുന്നമൂട്, വര്‍ക്കല വെട്ടൂര്‍, വര്‍ക്കല വെന്നിക്കോട് എന്നിവിടങ്ങളിലെ വിവിധ സ്ഥലങ്ങളില്‍ കൊണ്ടുപോയി ലൈംഗികമായി പീഡിപ്പിക്കുകയായിരുന്നു.

പെണ്‍കുട്ടിയെ സ്വന്തം വീട്ടില്‍ കൊണ്ടുപോയി പീഡിപ്പിച്ച ശേഷം ദൃശ്യങ്ങള്‍ വീഡിയോയില്‍ പകര്‍ത്തിയെന്ന് പറഞ്ഞ പ്രതി പെണ്‍കുട്ടിയെ ഭീഷണിപ്പെടുത്തി പീഡനം തുടര്‍ന്നതോടെ പെൺകുട്ടി വിവരങ്ങൾ വീട്ടുകാരെ അറിയിക്കുകയും തുടർന്ന് വീട്ടുകാര്‍ വര്‍ക്കല പൊലീസ് സ്റ്റേഷനില്‍ പരാതി നല്‍കുകയുമായിരുന്നു . വര്‍ക്കല പൊലീസ് സ്റ്റേഷന്‍ പരിധിയിലെ വിവിധ സ്‌കൂളുകളുടെ പരിസരത്ത് കറങ്ങിനടന്ന് പെണ്‍കുട്ടികളെ സൗഹൃദത്തിലാക്കി ചൂഷണം ചെയ്തുവരുന്ന ആളാണ് പ്രതിയെന്ന് പൊലീസ് പറഞ്ഞു .കോടതിയിൽ ഹാജരാക്കിയ ഇയാളെ റിമാന്‍ഡ് ചെയ്തു.

Follow Us On Helo, Facebook, Telegram. Subscribe to Our Youtube Channel
You might also like

Comments are closed.