ഒടുവിൽ ഔദ്യോഗിക പ്രഖ്യാപനം എത്തി; ഏഷ്യാ കപ്പ് ക്രിക്കറ്റ് മാറ്റി വച്ചു

ഈ വർഷത്തെ ഏഷ്യാ കപ്പ് ക്രിക്കറ്റ് മാറ്റി വച്ചു. ഏഷ്യൻ ക്രിക്കറ്റ് കൗൺസിലാണ് ഇക്കാര്യം ഔദ്യോഗികമായി പ്രഖ്യാപിച്ചത്. ഈ വര്ഷം സെപ്റ്റംബറിൽ യു.എ.ഇയിൽ ആണ് മത്സരങ്ങൾ നിശ്ചയിച്ചിരുന്നത്. കോവിഡ് വ്യാപനത്തെ തുടർന്ന് 2021 ജൂണിലേക്കാണ് ടൂർണമെന്റ് മാറ്റിവെച്ചത്. ഏഷ്യാ കപ്പ് റദ്ദാക്കിയതായി നേരത്തെ ബി.സി.സി.ഐ പ്രസിഡന്റ് സൗരവ് ഗാംഗുലി വ്യക്തമാക്കിയിരുന്നു. എന്നാൽ ഇതിനെതിരേ പാക് ക്രിക്കറ്റ് ബോർഡ് രംഗത്തുവന്നിരുന്നു.