ആദ്യം വലി നിര്‍ത്ത് എന്നിട്ട് മതി ഉമ്മ..!!
Apr 15, 2018, 20:01 IST
ഓഗസ്റ്റ് സിനിമാസിന്റെ ബാനറില്‍ നവാഗതനായ ഫെലിനി സംവിധാനം ചെയ്യുന്ന തീവണ്ടിയിലെ ആദ്യ വീഡിയോ ഗാനം പുറത്തിറങ്ങി. പാട്ട് പോലെ തന്നെയാണ് ഗാനത്തിന്റെ വീഡിയോയും അതില്‍ ഉള്‍പ്പെടുത്തിയിട്ടുള്ള സംഭാഷണവും. തീവണ്ടി എന്ന ചിത്രത്തിലെ ജീവാംശമായി താനേ നീയെന്നില്‍’ എന്ന മനോഹരമായ ഗാനത്തിന്റെ വീഡിയോയാണ് പുറത്തിറങ്ങിയത്.
ഹരിനാരായണന്‍ ബി കെ എഴുതിയ പാട്ടിന് കൈലാസ് മേനോന്‍ സംഗീതം നല്‍കിയിരിക്കുന്നു. പാടിയിരിക്കുന്നത് ശ്രേയാ ഘോഷലും ഹരിശങ്കറും ചേര്‍ന്ന്. ആദ്യം വലി നിര്‍ത്ത് എന്നിട്ട് മതി ഉമ്മ എന്ന് നായകനോട് നായിക പറയുന്നത് അതിന് നായകന്‍ നല്‍കുന്ന മറുപടിയും മനോഹരമായി ആ വീഡിയോ ഗാനത്തില്‍ ഉള്‍പ്പെടുത്തിയിട്ടുണ്ട്.