മീൻ പിടിക്കാനായി തോട്ടിൽ വച്ച വലയിൽ കുടുങ്ങിയത് പെരുമ്പാമ്പ്

എറണാകുളം: മീൻ പിടിക്കാനായി തോട്ടിൽ വച്ച വലയിൽ കുടുങ്ങിയത് പെരുമ്പാമ്പ്. കൊച്ചി-ധനുഷ് കോടി ദേശീയപാതയിലെ കുത്തുകുഴി പാലത്തിന് താഴെ തോട്ടിൽ വിരിച്ച വലയിലാണ് പാമ്പ് കുടുങ്ങിയയത്. വിവരം അറിഞ്ഞെത്തിയ തട്ടേക്കാട് പക്ഷി സങ്കേതത്തിലെ വനപാലകർ പാമ്പിനെ പിടികൂടി. രണ്ട് ദിവസത്തിന് ശേഷം പാമ്പിനെ ഉൾവനത്തിലേക്ക് തുറന്ന് വിടുമെന്ന് വനപാലകർ അറിയിച്ചു.