കാലിഫോർണിയയിലെ മലയാളി കുടുംബത്തിന്റെ തിരോധാനം; നദിയില് നിന്ന് കണ്ടെടുത്ത മൃതദേഹം സൗമ്യയുടെതെന്ന് സ്ഥിതീകരിച്ചു
ലോസ് ആഞ്ചലസ്: അമേരിക്കയിലെ കലിഫോർണിയയിൽ കാണാതായ മലയാളി കുടുംബത്തിലെ സൗമ്യ(38)യുടെ മൃതദേഹം തിരച്ചറിഞ്ഞു. കഴിഞ്ഞ ദിവസം ഈൽ നദിയിൽനിന്നും കണ്ടെടുത്ത മൃതദേഹം സൗമ്യയുടേതാണെന്ന് തിരിച്ചറിഞ്ഞു. കൊച്ചി കാക്കനാട് പടമുകൾ സ്വദേശിനിയാണ് സൗമ്യ. ഭർത്താവ് സന്ദീപ് തോട്ടപ്പിള്ളി (42), മക്കളായ സിദ്ധാന്ത് (12), സാച്ചി (ഒന്പത്) എന്നിവർക്കായി തെരച്ചിൽ തുടരുകയാണ്.
സാന്റാ ക്ലരിറ്റയിൽ താമസിച്ചിരുന്ന കുടുംബത്തെ ഏപ്രിൽ അഞ്ചിനാണു കാണാതായത്. വിനോദയാത്രയിലായിരുന്ന കുടുംബം സഞ്ചരിച്ചിരുന്ന കാർ ഏപ്രിൽ ആ റിന് ഈൽ നദിയിലെ കുത്തൊഴുക്കിലേക്കു പതിച്ചുവെന്നാണ് കരുതുന്നത്. കാറിന്റെ ഏതാനും ഭാഗങ്ങൾ നേരത്തേ കണ്ടെത്താനായിരുന്നു.