Nature

ക്വാറന്റീനില്‍ നിന്ന് മുങ്ങിയ കോവിഡ് രോഗി കൊയിലാണ്ടിയിൽ പിടിയിൽ

പാലക്കാട്: കോവിഡ് സ്ഥിരീകരിച്ച കണ്ണൂര്‍ സ്വദേശി പരിശോധനാ ഫലം വരും മുമ്പ് ക്വാറന്റീനില്‍ നിന്ന് മുങ്ങി. ഇദ്ദേഹത്തെ കോഴിക്കോട്- കണ്ണൂര്‍ യാത്രക്കിടെ കൊയിലാണ്ടിയിൽ കെ.എസ്.ആർ.ടി.സി ബസില്‍ വെച്ച് പിടികൂടി. പാലക്കാട് തൃത്താലയിൽ നിന്നും കോഴിക്കോട് വരെ ബൈക്കിൽ സുഹൃത്തിനൊപ്പമാണ് ഇയാള്‍ യാത്ര ചെയ്തത്.

23ന് തമിഴ്‌നാട്ടിലെ മധുരയില്‍ നിന്ന് എത്തിയ ഇയാള്‍ തൃത്താലയിലുള്ള സുഹൃത്തിന്റെ വീട്ടില്‍ ക്വാറന്റീനില്‍ കഴിയുകയായിരുന്നു. ഈ മാസം 30നാണ് സ്രവം പരിശോധനക്ക് അയക്കുന്നത്. ഇന്ന് വൈകുന്നേരമാണ് ഇദ്ദേഹത്തിന്റെ ഫലം പുറത്തു വന്നത്. ഇയാളെ ബന്ധപ്പെട്ടപ്പോള്‍ തൃത്താലയിലുണ്ടെന്ന് പറയുകയായിരുന്നു. എന്നാല്‍ ഉച്ചയോടെ തന്നെ സുഹൃത്തിനൊപ്പം ബൈക്കില്‍ കോഴിക്കോട്ടേക്ക് പുറപ്പെട്ടിരുന്നു, ഇക്കാര്യം മനസിലാക്കിയ അധികൃതര്‍ ബന്ധപ്പെട്ടവരെ വിവരം അറിയിക്കുകയായിരുന്നു.

കോഴിക്കോട് എത്തിയ ഇയാള്‍ കെ.എസ്.ആര്‍.ടി.സി ബസിലാണ് കണ്ണൂരേക്ക് പുറപ്പെട്ടത്. യാത്രക്കിടെ സ്‌പെഷ്യല്‍ ബ്രാഞ്ച് ഉദ്യോഗസ്ഥര്‍ കൊയിലാണ്ടിയില്‍ വെച്ച് ബസ് തടഞ്ഞ് ഇയാളെ പിടികൂടുകയായിരുന്നു. തുടര്‍ന്ന് ആംബുലന്‍സില്‍ ആശുപത്രിയിലെത്തിച്ചു.

Follow Us On Helo, Facebook, Telegram. Subscribe to Our Youtube Channel
You might also like

Comments are closed.