Times Kerala

മൊബൈല്‍ ഉപയോഗിച്ചതിന് പിതാവ് ശാസിച്ചു; മകള്‍ ആത്മഹത്യ ചെയ്‍തു

 

ഭോപാല്‍: മധ്യപ്രദേശിലെ ചുനഭട്ടില്‍ ബിരുദ വിദ്യാര്‍ഥി ആത്മഹത്യ ചെയ്‍തത് മൊബൈല്‍ ഫോണ്‍ ഉപയോഗത്തെക്കുറിച്ചുള്ള പിതാവിന്‍റെ ശാസനയെത്തുടര്‍ന്നാണെന്ന് പോലീസ്. മൊബൈല്‍ ഫോണ്‍ ഉപയോഗം കുറച്ച് പഠിക്കാന്‍ പറഞ്ഞതിലുള്ള മനപ്രയാസമാണ് മകളുടെ മരണത്തിന് കാരണമെന്നാണ് പോലീസ് ഭാഷ്യം.

ഭോപാല്‍ വാല്‍മി എക്സലന്‍സ് കോളേജിലെ വിദ്യാര്‍ഥിയായിരുന്നു കൃതിക ഖട്ടാര്‍ക്കര്‍ (17). വാല്‍മി ക്യാംപസിലെ പ്യൂണ്‍ ജീവനക്കാരനാണ് കൃതികയുടെ പിതാവ് ധന്‍രാജ്.

വെള്ളിയാഴ്‍ച്ച പെണ്‍കുട്ടി മൊബൈല്‍ഫോണ്‍ ഉപയോഗിച്ചുകൊണ്ടിരുന്നപ്പോള്‍ ധന്‍രാജ് ഫോണ്‍ പിടിച്ചുവാങ്ങുകയും ശാസിക്കുകയും ചെയ്‍തിരുന്നു. ഇതിന് ശേഷം ദേഷ്യപ്പെട്ട് മുറിയിലേക്ക് പോയ കൃതിക ഉച്ചയോടെ വീട്ടില്‍ ആളുകള്‍ ഇല്ലാതിരുന്ന സമയം സീലിങ്ങില്‍ കയറിട്ട് തൂങ്ങിമരിക്കുകയായിരുന്നു.

മുറിയില്‍ നിന്ന് ആത്മഹത്യക്കുറിപ്പ് ലഭിച്ചതായി പോലീസ് പറയുന്നു. രക്ഷിതാക്കളോട് ക്ഷമ ചോദിച്ച് താന്‍ പോകുകയാണെന്ന് എഴുതിയായിരുന്നു കത്ത് അവസാനിപ്പിച്ചിരുന്നത്.

Related Topics

Share this story