സിറിയയിലെ അമേരിക്കന് ആക്രമണം;തിരിച്ചടിക്കുമെന്ന് റഷ്യ
Apr 14, 2018, 10:20 IST
വാഷിംഗ്ടൺ: സിറിയയിൽ അമേരിക്കയും സഖ്യകക്ഷികളും നടത്തുന്ന ആക്രമണത്തിനു ശക്തമായ തിരിച്ചടി ഉണ്ടാകുമെന്ന് റഷ്യ. ബാഷാർ അൽ ആസാദ് ഭരണകൂടത്തിനെതിരെയുള്ള നടപടിക്കു ശക്തമായ തിരിച്ചടിയുണ്ടാകുമെന്ന് യുഎസിലെ റഷ്യൻ അംബാസഡർ അനറ്റോലി ആന്റനോവ് പറഞ്ഞു.
വീണ്ടും തങ്ങൾ ഭീഷണി നേരിടുകയാണ്. റഷ്യൻ പ്രസിഡന്റിനെ അപമാനിച്ച നടപടി അംഗീകരിക്കാനാവില്ല വകവച്ചുകൊടുക്കുകയുമില്ല. ലോകത്ത് ഏറ്റവുമധികം രാസായുധം ശേഖരമുള്ള യുഎസിന് റഷ്യയെ വിമർശിക്കാൻ യാതൊരു അവകാശവുമില്ലെന്നും അദ്ദേഹം പ്രസ്താവനയിൽ പറഞ്ഞു.