Times Kerala

ആരോഗ്യ ജാഗ്രതാ ലംഘനം; മലപ്പുറം ജില്ലയില്‍ 20 പുതിയ കേസുകള്‍

 
ആരോഗ്യ ജാഗ്രതാ ലംഘനം; മലപ്പുറം  ജില്ലയില്‍ 20 പുതിയ കേസുകള്‍

മലപ്പുറം : കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ 20 കേസുകള്‍ കൂടി  രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു. വിവിധ സ്റ്റേഷനുകളിലായി 27 പേരെ ഇന്നലെ അറസ്റ്റു ചെയ്തു. രണ്ടു  വാഹനങ്ങളും പിടിച്ചെടുത്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 4,961 ആയി. 6,091 പേരെയാണ് ഇതുവരെ അറസ്റ്റു ചെയ്തത്. 2,641 വാഹനങ്ങളും പിടിച്ചെടുത്തിട്ടുണ്ട്  .
മാസ്‌ക് ധരിക്കാതെ പുറത്തിറങ്ങിയതിന് 204 പേര്‍ക്കെതിരെയും പൊലീസ് കേസെടുത്ത് പിഴ ഈടാക്കി. മാസ്‌ക് ധരിക്കണമെന്ന ഉത്തരവ് ലംഘിക്കുന്നവര്‍ക്കും മറ്റ് ആരോഗ്യ ജാഗ്രതാ നിര്‍ദേശങ്ങള്‍ ലംഘിക്കുന്നവര്‍ക്കുമെതിരെ കര്‍ശന നിയമ നടപടികള്‍ സ്വീകരിച്ചു വരികയാണെന്ന് ജില്ലാ പൊലീസ് മേധാവി അറിയിച്ചു.

Related Topics

Share this story