റിയാലിറ്റി ഷോയുടെ ഒരു എപ്പിസോഡിന് തമന്നയുടെ പ്രതിഫലം ഏഴ് ലക്ഷം രൂപ..!
തെന്നിന്ത്യൻ പ്രേക്ഷകരുടെ പ്രിയതാരമാണ് തമന്ന ഭാട്ടിയ. തെലുങ്ക്, തമിഴ് ചിത്രങ്ങളിൽ സജീവമായ തമന്ന രാജമൗലി സംവിധാനം ചെയ്ത ബ്രഹ്മാണ്ഡ ചിത്രമായ ബാഹുലിയിലൂടെ പ്രേക്ഷകർക്കിടയിൽ കൂടുതൽ സുപരിചിതയാകുന്നത്.ഇപ്പോളിതാ തെലുങ്കിലെ ഒരു ഡിജിറ്രൽ സ്ട്രീമിംഗ് ആപ്പിലെ റിയാലിറ്റി ഷോയുടെ അവതാരകയാകാൻ ഒരുങ്ങുകയാണ് താരം.
സെലിബ്രിറ്റി അതിഥികളോട് ചോദ്യങ്ങൾ ചോദിക്കുകയും അവർക്ക് ചില ടാസ്ക്കുകൾ നൽകുകയും ചെയ്യുന്ന ഈ റിയാലിറ്റി ഷോയുടെ ഒരു എപ്പിസോഡിന് ഏഴ് ലക്ഷം രൂപയാണ് തമന്ന പ്രതിഫലമായി വാങ്ങുന്നത്. ഇരുപത് എപ്പിസോഡാകുമ്പോഴേക്ക് തമന്നയ്ക്ക് ഒരു സിനിമയ്ക്ക് ലഭിക്കുന്നതിനേക്കാൾ ഉയർന്ന പ്രതിഫലം ലഭിക്കുമെന്ന് സാരം. സീട്ടിമാർ എന്ന ചിത്രത്തിലാണ് തമന്ന ഒടുവിലഭിനയിച്ചത്.