Times Kerala

സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി

 
സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ഫോണുകള്‍ അദ്ധ്യാപകര്‍ക്കു കൈമാറി

കോഴിക്കോട്:  പൊതുജനങ്ങളില്‍ നിന്ന് ശേഖരിച്ച ഫോണുകള്‍, ടാബ്ലറ്റുകള്‍ എന്നിവ സൗജന്യമായി റിപ്പയര്‍ ചെയ്ത് വിദ്യഭ്യാസ വകുപ്പു വഴി വിദ്യാര്‍ത്ഥികള്‍ക്ക് കൈമാറുന്ന സ്മാര്‍ട്ട് ചാലഞ്ചില്‍ റിപ്പയര്‍ ചെയ്ത ആദ്യ ഫോണുകള്‍ ജില്ലാ കളക്ടര്‍ എസ്.സാംബശിവ റാവു അദ്ധ്യാപകര്‍ക്കു കൈമാറി. കുന്ദമംഗലം എച്ച്.എസ്.എസ് ഹെഡ് മാസ്റ്റര്‍ പി.പ്രേമരാജന്‍, കാരന്തൂര്‍ എസ് ജി എം.എ.എല്‍.പി. സ്‌ക്കൂള്‍ ഹെഡ് മിസ്ട്രസ് ജി.എസ്. റോഷ്മ എന്നിവര്‍ വിദ്യാര്‍ത്ഥികള്‍ക്കുവേണ്ടി ഫോണുകള്‍ ഏറ്റുവാങ്ങി. ജില്ലാ ഭരണകൂടം, കണക്‌ററഡ് ഇനീഷ്യേറ്റീവ്, ശുചിത്വ മിഷന്‍, ഹരിത കേരളം മിഷന്‍, എന്നിവ സംയ്ക്തമായി മൈ ജി യുമായി ചേര്‍ന്നാണ് പദ്ധതി നടപ്പാക്കിയത്.

സ്മാര്‍ട്ട് ചാലഞ്ച് കോര്‍ഡിനേറ്റര്‍ യു.പി.ഏകനാഥന്‍, പ്രമോദ് മണ്ണടത്ത്, മൈ ജി സര്‍വ്വീസ് ഇന്‍ ചാര്‍ജ്ജ് ഡോ. മുഹമ്മദ് ഷാഫി, അബി എസ, രാജേഷ് എ. എന്നിവര്‍ പങ്കെടുത്തു.

പൊറ്റമ്മല്‍ മൈ ജി ഷോറൂമിനു മുന്‍വശത്തും കളക്ടറേറ്റിനു മുന്‍വശത്തുമുള്ള കളക്ഷന്‍ പോയ്ന്റുകളില്‍ ജൂലൈ മൂന്നു വരെ സ്മാര്‍ട്ട് ഫോണുകളും ടാബ്ലറ്റുകളും സ്വീകരിക്കുമെന്ന് കോര്‍ഡിനേറ്റര്‍ അറിയിച്ചു.

Related Topics

Share this story