കാരുണ്യവഴികളിൽ സത്യരാജിന്റെ മകൾ
നടൻ സത്യരാജിന്റെ മകൾ ദിവ്യ അക്ഷയപാത്ര ഫൗണ്ടേഷന്റെ ഗുഡ്വിൽ അംബാസിഡറായി നിയമിക്കപ്പെട്ടിരിക്കുന്നു. കുട്ടികളുടെ പോഷാകാഹാരക്കുറവു പരിഹരിക്കാനും, അവർക്കു ഭക്ഷണം ഉറപ്പു വരുത്താനുമുള്ള ദൗത്യം ഏറ്റെടുത്തിരിക്കുന്ന സംഘടനയാണു അക്ഷയപാത്ര ഫൗണ്ടേഷൻ. മുൻ അമേരിക്കൻ പ്രസിഡന്റ് ബരാക്ക് ഒബാമയുടെ പിന്തുണയുള്ള സംഘടനയാണിത്.
പോഷകാഹാരത്തെക്കുറിച്ചു വിവിധ ശിൽപ്പശാലകളും ക്ലാസുകളും നയിക്കാറുണ്ട് ദിവ്യ. ഈ മേഖലയിലെ പ്രവർത്തനത്തിനു നിരവധി അനുമോദനങ്ങളും ലഭിച്ചിട്ടുണ്ട്. ഇതൊരു ജീവകാരുണ്യ പ്രവർത്തനമല്ല, കുട്ടികൾക്കു പോഷകാഹാരമുള്ള ഭക്ഷണം ലഭിക്കുക എന്നതു നീതി ലഭിക്കുന്നതിനു തുല്യമാണെന്നു പറയുന്നു ദിവ്യ സത്യരാജ്.