പാക്കിസ്ഥാനിൽ ഗർഭിണിയായ ഗായിക വെടിയേറ്റു മരിച്ചു
Apr 12, 2018, 10:38 IST
ഇസ്ലാമാബാദ്: പാക്കിസ്ഥാനിൽ ആഘോഷപരിപാടിക്കിടെ ഗർഭിണിയായ ഗായിക വെടിയേറ്റു മരിച്ചു. സിന്ധ് പ്രവിശ്യയിലെ ലാർകാനയിൽ കൻഗ ഗ്രാമത്തിലായിരുന്നു സംഭവം. ഗായിക സമീന സമൂൺ (സമീന സിന്ധു) ആണ് മരിച്ചത്.
എഴുന്നേറ്റു നിന്ന് പാടുനുള്ള നിർദേശം അവഗണിച്ചതിനെ തുടർന്ന് കാണികളിലൊരാൾ വെടിവയ്ക്കുകയായിരുന്നു. സംഭവുമായി ബന്ധപ്പെട്ട് താരീഖ് അഹമ്മദ് എന്നയാളെ പോലീസ് പിടികൂടി. വെടിവയ്പിൽ പരിക്കേറ്റ സമീനയെ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. ഇവർ ആറു മാസം ഗർഭിണിയായിരുന്നെന്ന് സമീനയുടെ ഭർത്താവ് പറഞ്ഞു.