ബ്രസീലിലെ ജയിലില് കലാപം; 20 പേർ കൊല്ലപ്പെട്ടു
Apr 11, 2018, 11:00 IST
ബെലേം: വടക്കൻ ബ്രസീലിലെ ബെലേം നഗരത്തിലുള്ള ജയിലിലുണ്ടായ കലാപത്തിൽ 20 പേർ കൊല്ലപ്പെട്ടു. ഗാർഡുമാരെ ആക്രമിച്ച് കൂട്ടത്തോടെ ജയില് ചാടാൻ തടവുകാർ നടത്തിയ ശ്രമത്തിനിടെയാണ് മരണം. തടവുകാരുടെ ആക്രമണത്തിൽ നാല് ഗാർഡുകൾക്ക് പരിക്കേറ്റു. ബെലേം നഗരത്തിലെ സാന്റാ ഇസബേൽ ജയിലിലാണ് സംഭവം. ആയുധങ്ങളുമായി ജയിലിന് പുറത്തെത്തിയ സംഘത്തിന്റെ സഹായത്തോടെ രക്ഷപ്പെടാനായിരുന്നു തടവുകാരുടെ ശ്രമം. തടവ് പുള്ളികളിൽ ആരെങ്കിലും രക്ഷപ്പെട്ടോ എന്നത് അന്വേഷിക്കുകയാണെന്ന് ജയിലധികൃതര് പറഞ്ഞു.