പാലക്കാട്ട് യുവാവ് ജീവനൊടുക്കി; പോലീസ് ഭീഷണിയെതുടർന്നെന്ന് പരാതി
പാലക്കാട്: പാലക്കാട് പോലീസ് ഭീഷണിയെ തുടർന്ന് യുവാവ് ജീവനൊടുക്കിയെന്നു പരാതി. ചിറ്റൂർ പള്ളത്തേരി സ്വദേശി സന്തോഷിന്റെ മരണത്തിലാണ് പോലീസിനു നേരെ ആക്ഷേപം ഉയർന്നിരിക്കുന്നത്.
കെഎസ്ആര്ടിസി ബസിനു നേരെ കല്ലെറിഞ്ഞകേസിൽ സന്തോഷ് പ്രതിചേർക്കപ്പെട്ടിരുുന്നെങ്കിലും നഷ്ടപരിഹാരം നൽകിയാൽ മതിയെന്ന ധാരണയിൽ വിഷയം ഒത്തുതീർപ്പാക്കി. എന്നാൽ അനുവദിച്ച സമയപരിധിക്കുള്ളിൽ നഷ്ടപരിഹാരം നൽകാൻ സന്തോഷിനു കഴിഞ്ഞില്ല. ഈ പണം അടയ്ക്കാൻ ആവശ്യപ്പെട്ട് പാലക്കാട് കസബ സ്റ്റേഷൻ എസ്ഐ നിരന്തരം ഭീഷണിപ്പെടുത്തിയെന്നാണു ബന്ധുക്കൾ ആരോപിക്കുന്നത്.
ചൊവ്വാഴ്ച ഉച്ചയ്ക്ക് കസബ എസ്ഐ സന്തോഷിനെ വിളിക്കുകയും പോലീസ് സ്റ്റേഷനിൽ ഹാജരകാൻ ആവശ്യപ്പെടുകയും ചെയ്തിരുന്നു. ഇതിനു പിന്നാലെയാണ് യുവാവിനെ മരിച്ച നിലയിൽ കണ്ടെത്തിയത്.