ട്രംപിന്റെ അഭിഭാഷകന്റെ ഓഫീസിൽ എഫ്ബിഐ റെയ്ഡ്
Apr 10, 2018, 09:07 IST
വാഷിംഗ്ടൺ: യുഎസ് ഡൊണൾഡ് ട്രംപിന്റെ അഭിഭാഷകൻ മൈക്കൽ കൊയന്റെ ഓഫീസിൽ എഫ്ബിഐ റെയ്ഡ്. ട്രംപിനെതിരെ ലൈംഗീകാരോപണം ഉന്നയിച്ച നീലച്ചിത്രനടി സ്റ്റോമി ഡാനിയലിന് പണം നൽകിയതുമായി ബന്ധപ്പെട്ട രേഖകൾ ഓഫീസില് നിന്ന് എഫ്ബിഐ പിടിച്ചെടുത്തതായാണ് റിപ്പോർട്ട്.
ഇക്കഴിഞ്ഞ യുഎസ് പ്രസിഡന്റ് തെരഞ്ഞെടുപ്പിലെ റഷ്യന് ബന്ധത്തെക്കുറിച്ച് അന്വേഷിക്കുന്ന റോബര്ട്ട് മ്യൂളര് കമ്മീഷന്റെ നിർദേശപ്രകാരമായിരുന്നു പരിശോധന. നടപടിയെ ട്രംപ് വിമർശിച്ചു. അപമാനകരവും രാജ്യത്തിന് നേരെയുള്ള ആക്രമണത്തിന് സമാനവുമാണ് നടപടിയെന്നു ട്രംപ് പ്രതികരിച്ചു.