അമേരിക്കൻ വ്യോമസേനയുടെ വിമാനം തകർന്ന് പൈലറ്റ് മരിച്ചു
Apr 5, 2018, 15:53 IST
ലാസ് വെഗാസ്: അമേരിക്കൻ വ്യോമസേനയുടെ വിമാനം തകർന്ന് പൈലറ്റ് മരിച്ചു. ലാസ് വെഗാസിനു സമീപം എഫ്-16 വിമാനമാണ് തകർന്നത്. നെവാഡയിൽനിന്നുമുള്ള പതിവ് പരിശീലന പറക്കലിനിടെയായിരുന്നു സംഭവം.
അപകടത്തിന്റെ കാരണം വ്യക്തമല്ലെന്നും സംഭവത്തിൽ അന്വേഷണം ആരംഭിച്ചതായും അധികൃതർ അറിയിച്ചു. മൂന്നു ദിവസത്തിനുള്ളിൽ അമേരിക്കൻ വ്യോമസേനയുടെ മൂന്ന് വിമാനങ്ങളാണ് അപകടത്തിൽപെട്ടത്.