മമ്മൂട്ടിയുടെ ‘ പരോളിന്‍റെ ‘ തീയതി വീണ്ടും മാറ്റി
Apr 4, 2018, 11:47 IST
മമ്മൂട്ടി ചിത്രം പരോളിന്‍റെ റിലീസ് വീണ്ടും മാറ്റി. ഏപ്രിൽ അഞ്ചിന് പ്രഖ്യാപിച്ചിരുന്ന റിലീസ് ഒരു ദിവസം കൂടി നീട്ടി ആറിലേക്ക് മാറ്റി. ജയിൽ പശ്ചാത്തലമാക്കിയ ചിത്രത്തിൽ സഖാവായാണ് മമ്മൂട്ടിയെത്തുന്നത്. നവാഗതനായ ശരത് സന്ദിതാണ് സംവിധാനം. തിരക്കഥ അജിത് പൂജപ്പുരയുടെതാണ്. സിദ്ധിഖ്, മിയ ജോർജ്, ഇനിയ, മുത്തുമണി, ലാലു അലക്സ്, സുരാജ് വെഞ്ഞാറമൂട്, സുധീർ കരമന, കലാഭവൻ ഹനീഫ്, അലെൻസിയർ തുടങ്ങി വൻ താരനിരയുമായാണ് പരോൾ എത്തുന്നത്. എസ്. ലോകനാഥൻ ഛായാഗ്രഹണം നിർവഹിക്കുന്നു. ശരത്, എൽവിൻ ജോഷ്വ എന്നിവരുടേതാണ് സംഗീതം.
