കതിരൂർ മനോജ് വധം; യുഎപിഎ ചുമത്തിയതിനെതിരേ പി. ജയരാജൻ ഹൈക്കോടതിയിൽ അപ്പീല് നല്കി
Apr 2, 2018, 12:04 IST
കൊച്ചി: കതിരൂർ മനോജ് വധക്കേസിൽ യുഎപിഎ ചുമത്തിയതിനെതിരേ സിപിഎം കണ്ണൂർ ജില്ലാ സെക്രട്ടറി പി. ജയരാജൻ ഹൈക്കോടതിയിൽ അപ്പീല് നല്കി. ചീഫ് ജസ്റ്റീസ് ഉൾപ്പെടെയുള്ള ഡിവിഷൻ ബെഞ്ചാകും ഹര്ജി പരിഗണിക്കുക. സംസ്ഥാന സർക്കാരിന്റെ അനുമതിയില്ലാതെയാണ് സിബിഐ യുഎപിഎ ചുമത്തിയതെന്ന് ആരോപിച്ച് ജയരാജന്റെ അപ്പീൽ ഹൈക്കോടതി സിംഗിൾ ബെഞ്ച് നേരത്തേ തള്ളിയിരുന്നു. മനോജിനെ വെട്ടിക്കൊലപ്പെടുത്തിയ കേസിൽ പി. ജയരാജൻ ഉൾപ്പെടെ ആറു പേർക്കെതിരേ യുഎപിഎ അടക്കമുള്ള കുറ്റങ്ങൾ ചുമത്തിയാണ് സിബിഐ കുറ്റപത്രം സമർപ്പിച്ചിരുന്നത്.