അതിര്ത്തി ലംഘനം: ഫ്രാൻസിനെതിരെ ഇറ്റലിയുടെ പ്രതിഷേധം
Apr 2, 2018, 10:05 IST
റോം: ഇറ്റാലിയൻ അതിർത്തി ലംഘിച്ച ഫ്രഞ്ച് പോലീസിനെതിരെ പ്രതിഷേധവുമായി ഇറ്റലി. ഫ്രാൻസിന്റെ സ്ഥാനപതിയെ വിളിച്ചുവരുത്തിയാണ് ഇറ്റലി പ്രതിഷേധിച്ചത്.നൈജീരിയൻ കുടിയേറ്റക്കാരനെ ലഹരിമരുന്ന് പരിശോധനയ്ക്ക് വേണ്ടി ഇറ്റാലിയൻ അതിർത്തിയിലെ ഒരു ക്ലിനിക്കിൽ കയറ്റിയ സംഭവത്തിലാണ് പ്രതിഷേധമുയർന്നത്. കുടിയേറ്റക്കാരനെ അതിർത്തി പട്ടണമായ ബർഡോനെസിയയിലേക്ക് ഫ്രഞ്ച് പൊലീസ് കൊണ്ടുവരുന്നതിനിടെ ക്ലിനിക്കിൽ പരിശോധന നടത്തുകയായിരുന്നു.