വാർണർക്ക്​ പകരം അലക്​സ്​ ഹാൽസ് സൺറൈസേഴ്​സിന് വേണ്ടി കളിക്കും

ഹൈദരാബാദ്​: പന്ത്​ ചുരണ്ടൽ വിവാദത്തില്‍ വിലക്ക്​ നേരിട്ട ഡേവിഡ്​ വാർണർക്ക്​ പകരം ഇംഗ്ലണ്ട്​ ​ ബാറ്റസ്​മാൻ അലക്​സ്​ ഹാൽസിനെ സൺറൈസേഴ്​സ്​ ടീമിൽ. 1 കോടി രൂപയ്ക്കാണ് ഹാൽസിനെ ഹൈദരാബാദ്​ ടീമിലെത്തിച്ചത്​. ​ബി.സി.സി.​െഎയുമായി ​െഎ.പി.എൽ കളിക്കാൻ കരാർ ഒപ്പിട്ട താരങ്ങളിൽ നിന്നാണ്​ ഹാൽസിനെ സൺറൈസേഴ്​സ്​ സ്വന്തമാക്കിയത്​.

സൺറൈസേഴ്​സിന്‍റെ ഒാപ്പണറായിരുന്ന വാർണർ പോയതോടെ​ ഇംഗ്ലണ്ട്​ താരം ഹാൽസിനെ ​ ടീമിലെടുത്തത്​​. െഎ.സി.സി ട്വൻറി 20 റാങ്കിങ്ങിൽ ആദ്യ പത്തിൽ ഇടംപിടിച്ച ഏക ഇംഗ്ലീഷ്​ ബാറ്റ്​സമാനാണ്​ ഹാൽസ്​. 31.65 റൺസ്​ ശരാശരിയും 136.32 സ്​​ട്രൈക്ക്​ റേറ്റും താരത്തിനുണ്ട്​​. ഐ.പി.എൽ ലേലത്തിൽ ഹാൽസിനെ വാങ്ങാൻ ആരും തയാറായിരുന്നില്ല.