പാക്കിസ്ഥാനിൽ വെയർഹൗസിന്റെ മേൽക്കൂര തകർന്നുവീണ് 11 പേർ മരിച്ചു
Mar 29, 2018, 09:55 IST
കറാച്ചി: ദക്ഷിണ പാക്കിസ്ഥാനിലെ സിന്ധ് പ്രവിശ്യയിൽ വെയർഹൗസിന്റെ മേൽക്കൂര തകർന്നുവീണ് 11 പേർ മരിച്ചു. ഒന്പതുപേർക്ക് അപകടത്തിൽ പരിക്കേറ്റു. കറാച്ചിക്ക് 280 മൈൽ വടക്ക് റോഹ്റി ജില്ലയിലായിരുന്നു അപകടം. മരിച്ചവരിൽ ആറു സ്ത്രീകളും രണ്ടു പെണ്കുഞ്ഞുങ്ങളും ഉൾപ്പെടുന്നു. വെയർഹൗസിൽ നിർമാണപ്രവർത്തനങ്ങൾ നടക്കവെയാണ് മേൽക്കൂര ഇടിഞ്ഞുവീണതെന്ന് പോലീസിനെ ഉദ്ധരിച്ച് ഏജൻസികൾ റിപ്പോർട്ട് ചെയ്തു.