പോലീസുകാരൻ കൊലപ്പെടുത്തിയ ജോർജ് ഫ്ലോയിഡ് കൊവിഡ് -19 ബാധിതനായിരുന്നുവെന്ന് റിപ്പോർട്ട്

വാഷിങ്ടൺ: മിനിയാപൊളിസിൽ പോലീസുകാരൻ ശ്വാസം മുട്ടിച്ചു കൊലപ്പെടുത്തിയ  ജോർജ് ഫ്ലോയിഡ് കൊവിഡ് -19 ബാധിതനായിരുന്നുവെന്ന് റിപ്പോർട്ട്. ചീഫ് മെഡിക്കൽ എക്സാമിനർ ആൻഡ്രൂ ബേക്കറിന്‍റെ റിപ്പോർട്ട് പ്രകാരം ഏപ്രിൽ മൂന്നിനാണ് ഫ്ലോയിഡിന് അസിംപ്റ്റോമാറ്റിക്ക് കൊവിഡ് സ്ഥിരീകരിച്ചത്.ഹെന്നേപിൻ കൗണ്ടി മെഡിക്കൽ എക്സാമിനർ ഓഫീസ് തയ്യാറാക്കിയ 20 പേജുള്ള റിപ്പോർട്ട് കുടുംബത്തിന്‍റെ അനുമതിയോടെയാണ് പുറത്തുവിട്ടത്.