ഇന്ത്യയ്ക്ക് മൂന്ന് ഒളിമ്പിക് സ്വര്ണം നേടിക്കൊടുത്ത ഹോക്കി ഇതിഹാസം ബല്ബീര് സിങ് അന്തരിച്ചു
May 25, 2020, 10:54 IST
മൊഹാലി: ഇന്ത്യയുടെ ഹോക്കി ഇതിഹാസം ബല്ബീര് സിങ് സീനിയര് (96) അന്തരിച്ചു. ദീര്ഘനാളായി വാര്ധക്യസഹജമായ അസുഖങ്ങളെ തുടര്ന്ന് മൊഹാലിയിലെ ആശുപത്രിയില് ചികിത്സയിലായിരുന്നു. തിങ്കളാഴ്ച പുലര്ച്ച ആറരയ്ക്കായിരുന്നു അന്ത്യം.ഇന്ത്യയ്ക്ക് മൂന്ന് ഒളിമ്പിക് സ്വര്ണം നേടിക്കൊടുത്ത ബല്ബീറിനെ സ്വതന്ത്ര ഇന്ത്യ കണ്ടതില് വച്ച് ഏറ്റവും മികച്ച ഹോക്കി താരമായാണ് കണക്കാക്കുന്നത്. 1948 (ലണ്ടന്), 1952 (ഹെല്സിങ്കി), 1956 (മെല്ബണ്) ഒളിമ്പിക്സുകളില് സ്വര്ണം നേടിയ ഇന്ത്യന് ടീമില് അംഗമായിരുന്നു.