ഫിഫ റാങ്കിങ്ങിൽ ഇന്ത്യ വീണ്ടും ആദ്യ നൂറിൽ
പുതിയ ഫിഫ റാങ്കിങ്ങിൽ ഇന്ത്യ വീണ്ടും ആദ്യ നൂറിൽ ഇടംപിടിച്ചു. ഇന്ത്യ 105ൽ നിന്ന് ആറു സ്ഥാനം മെച്ചപ്പെടുത്തി 99 ലേക്കാണ് എത്തിയത്. മത്സരങ്ങളൊന്നും കളിച്ചില്ലെങ്കിലും മറ്റു ടീമുകളുടെ പോയൻറ് വ്യത്യാസത്തിലാണ് ഇന്ത്യക്ക് സ്ഥാനക്കയറ്റമുണ്ടായത്. 339 പോയന്റാണ് ഇന്ത്യയുടെ സമ്പാദ്യം.
കഴിഞ്ഞ ജൂലൈയിൽ ഇന്ത്യയുടെ ചരിത്രത്തിലെ ഏറ്റവും മികച്ച രണ്ടാം റാങ്കായ 96ാം സ്ഥാനത്തെത്തിയിരുന്നെങ്കിലും പിന്നീട് 105 ലേക്ക് താഴുകയായിരുന്നു.ഏഷ്യൻ രാജ്യങ്ങളിൽ 13ാം സ്ഥാനത്താണ് ഇന്ത്യ. ലോക റാങ്കിൽ 33ാമതുള്ള ഇറാനാണ് ഏഷ്യൻ രാജ്യങ്ങളിൽ ഒന്നാമൻ.
ലോക റാങ്കിങ്ങിൽ ജർമനി ഒന്നാം സ്ഥാനത്ത് തുടരുന്നു. ബ്രസീൽ, പോർചുഗൽ, അർജൻറീന, ബെൽജിയം ടീമുകളാണ് രണ്ടുമുതൽ അഞ്ചുവരെ സ്ഥാനങ്ങളിൽ നിൽക്കുന്നത്.