യുഎസ് സൈനിക ഹെലികോപ്റ്റർ ഇറാക്കിൽ തകർന്നുവീണു
Mar 16, 2018, 10:20 IST
വാഷിംഗ്ടൺ: പടിഞ്ഞാറൻ ഇറാക്കിൽ ഏഴു പേരുമായി സഞ്ചരിച്ച യുഎസ് സൈനിക ഹെലികോപ്റ്റർ തകർന്നുവീണു. എച്ച്എച്ച്-60 പാവ് ഹാക് ഹെലികോപ്റ്ററാണ് അപകടത്തിൽപ്പെട്ടത്. സിറിയൻ അതിർത്തിക്ക് സമീപം അൻബർ പ്രവിശ്യയിലെ അൽ ക്വയിമിലാണ് കോപ്റ്റർ തകർന്നുവീണത്. അപകടത്തില് മരണം സംഭവിച്ചിട്ടുണ്ടെന്നാണ് സൂചന. ഇസ്ലാമിക് സ്റ്റേറ്റ് ഭീകരർക്കെതിരെ പോരാടുന്നു സഖ്യത്തിന്റെ ഭാഗമായി 5,200 യുഎസ് സൈനികർ ഇറാക്കിലുണ്ട്.