കെട്ടിടത്തിൽനിന്നും വീണ യുവതിയെ പിടിച്ചെടുത്ത് പോലീസുകാരൻ;വീഡിയോ വൈറല്
ബെയ്ജിംഗ്: കെട്ടിടത്തിനു മുകളിൽനിന്നും താഴേക്കു പതിച്ച യുവതിയെ ആ പോലീസുകാരൻ കൈകളിൽ കോരിയെടുത്തു. സംഭവം ചൈനയിലെ പടിഞ്ഞാറൻ സിൻജിയാംഗിൽ അക്സു പ്രഫക്ച്ചറിൽ.
ഭർത്താവുമായി വഴക്കടിച്ച യുവതി കെട്ടിടത്തിന്റെ ഒന്നാം നിലയിൽനിന്നും താഴേക്കു പതിച്ചു. ഇതുകണ്ടുനിന്ന പോലീസുകാരൻ ഓടിയെത്തി യുവതിയെ കൈകളിൽ കോരിയെടുത്തു. ഇരുവരും വീണെങ്കിലും നിസാര പരിക്കുകളോടെ രക്ഷപെട്ടു. സംഭവം ദൃസാക്ഷികളിൽ ഒരാൾ പകർത്തി യൂടുബിൽ ഇട്ടതോടെ പോലീസുകാരൻ നിമിഷനേരംകൊണ്ട് ആഗോളപ്രശസ്തനായി.
യഥാർഥ ഹീറോ, സൂപ്പർമാൻ തുടങ്ങി നിരവധി വിശേഷണങ്ങളാണ് പോലീസുകാരന് സാമൂഹിക മാധ്യമങ്ങളിൽ ലഭിക്കുന്നത്. യുവതി കെട്ടിടത്തിൽനിന്നു ചാടിയതാണോ കാൽ തെറ്റി വീണതാണോ എന്നതിൽ വ്യക്തതയില്ല.