കൊക്കക്കോള ലഹരിപാനീയ നിർമാണരംഗത്തേക്ക്
ന്യുയോർക്ക്: ശീതളപാനീയ നിർമാതാക്കളായ കൊക്കക്കോള മദ്യനിർമാണരംഗത്തേക്ക്. ചു ഹി എന്നറിയപ്പെടുന്ന ജാപ്പനീസ് മദ്യം ഉത്പാദിപ്പിച്ചാണു കൊക്കക്കോളയുടെ മദ്യനിർമാണരംഗത്തേക്കുള്ള ചുവടുവയ്പെന്നു കൊക്കക്കോളയുടെ ജപ്പാൻ പ്രസിഡന്റ് ജോർജ് ഗാർഡുനോ ഒരു അഭിമുഖത്തിൽ വ്യക്തമാക്കി.
വാറ്റിയെടുത്ത ഷോചു ആൽക്കഹോളും സുഗന്ധമുള്ള കാർബണേറ്റ് ജലവും ചേർത്തു നിർമിക്കുന്ന പാനീയം കുപ്പിയിലാക്കി വിൽക്കാനാണു കന്പനി പദ്ധതിയിടുന്നത്. കുറഞ്ഞ അളവിൽ ആൽക്കഹോളുള്ള പാനീയം ആദ്യം പുറത്തിറക്കുന്നതു ജപ്പാൻ വിപണിയിലാവും. മുന്തിരി, സ്ട്രോബറി, കിവി, വൈറ്റ് പീച്ച് എന്നീ ഫ്ളേവറുകളിൽ പാനീയം നിർമിക്കും. വോഡ്കയ്ക്കു പകരമായി ജപ്പാനിൽ ഷോചു ഉപയോഗിക്കിക്കാറുണ്ട്.
പാനീയം എന്നുപുറത്തിറക്കും എന്നു കന്പനി വെളിപ്പെടുത്തിയിട്ടില്ല. എന്നിരുന്നാലും ഭാവിയിൽ ലഹരിയില്ലാത്ത പാനീയങ്ങൾക്കാണു കന്പനി പ്രാധാന്യം കൊടുക്കുന്നതെന്നും ജോർജ് ഗാർഡുനോ അറിയിച്ചു.
var VUUKLE_EMOTE_SIZE = “”;
VUUKLE_EMOTE_IFRAME = “”
var EMOTE_TEXT = [“HAPPY”,”INDIFFERENT”,”AMUSED”,”EXCITED”,”ANGRY”,”SAD”]
Source: timeskerala