അമേരിക്കയിൽ വീണ്ടും വെടിവയ്പ്; രണ്ടു പേർ കൊല്ലപ്പെട്ടു
Mar 3, 2018, 08:00 IST
ഡിട്രോയിറ്റ്: അമേരിക്കയിൽ വീണ്ടും വെടിവയ്പ്. മിഷിഗൺ സർവകലാശാലയിൽ വെടിവയ്പിൽ രണ്ടു പേർ കൊല്ലപ്പെട്ടു. സർവകലാശാലയിലെ ക്യാംപൽ ഹാളിലാണ് വെടിവയ്പുണ്ടായത്.
വെള്ളിയാഴ്ച രാവിലെ ക്യാംപൽ ഹാളിലെ നാലാം നിലയിലാണ് വെടിവയ്പുണ്ടായത്. ഇതോടെ ക്ലാസുകൾ നിർത്തി. വിദ്യാർഥികളോട് സുരക്ഷിത സ്ഥാനത്തേക്കു മാറാൻ അധികൃതർ അഭ്യർഥിച്ചു. പോലീസ് സ്ഥലത്തെ അക്രമിക്കായി തെരച്ചിൽ ആരംഭിച്ചു. കൂടുതൽ വിവരങ്ങൾ അറിവായിട്ടില്ല.