chem

പുതിയ ബജാജ് അവഞ്ചർ സ്ട്രീറ്റ് 180 അവതരിച്ചു

അവഞ്ചർ സ്ട്രീറ്റ് 180 ന്‍റെ 2018 മോഡലുമായി ബജാജ്. മുംബൈ എക്സ്ഷോറൂം 83,475 രൂപയ്ക്കാണ് പുതിയ അവഞ്ചർ സ്ട്രീറ്റ് 180 അവതരിച്ചിരിക്കുന്നത്. സ്ട്രീറ്റ് 150 യ്ക്ക് പകരക്കാരനായിട്ടാണ് ബജാജ് പുതിയ അവഞ്ചർ സ്ട്രീറ്റ് 180 യെ വിപണിയിലെത്തിച്ചിരിക്കുന്നത്.

15.3 ബിഎച്ച്പിയും 13.7എൻഎം ടോർക്കും സൃഷ്ടിക്കുന്ന 178.6 സിസി സിങ്കിള്‍ സിലിണ്ടര്‍ എൻജിനാണ് പുതിയ 180 സിസി അവഞ്ചര്‍ സ്ട്രീറ്റിന് കരുത്തേകുന്നത്. 5 സ്പീഡ് ഗിയർബോക്സാണ് എൻജിനിൽ ഇടംതേടിയിരിക്കുന്നത്. 150 കിലോഗ്രാം ഭാരമുള്ള ബൈക്കിന് 13 ലിറ്ററാണ് ഇന്ധനശേഷി. മുൻഭാഗത്ത് ടെലിസ്കോപിക് ഫോർക്കും പിൻഭാഗത്ത് ട്വിന്‍ ഷോക്ക് അബ്‌സോര്‍ബറുകളുമാണ് സസ്പെൻഷൻ ഒരുക്കിയിരിക്കുന്നത്.

എബണി ബ്ലാക്, സ്‌പൈസി റെഡ് എന്നീ നിറങ്ങളിലാണ് പുതിയ അവഞ്ചര്‍ സ്ട്രീറ്റ് 180 ലഭ്യമാക്കിയിരിക്കുന്നത്. ഡിസൈനില്‍ ഏറെക്കുറെ മാറ്റങ്ങൾ വരുത്തിയിട്ടുണ്ട്. പുതുക്കിയ ഹെഡ് ലൈറ്റ്, എല്‍ഇഡി ഡെയ്‌ടൈം റണ്ണിംഗ് ലൈറ്റ്, ഹെഡ് ലൈറ്റിന് മുകളിലെ ബ്ലാക്ക് കൗള്‍ എന്നിവയാണ് അവഞ്ചര്‍ സ്ട്രീറ്റ് 180 ൽ ബജാജ് ഒരുക്കിയിരുന്ന പുതുമകൾ. ബ്ലാക് തീമിൽ ഒരുക്കിയിരിക്കുന്ന സൈഡ് പാനലുകള്‍, എൻജിൻ, അലോയ് വീലുകള്‍ എന്നിവയാണ് ശ്രദ്ധേയമായ മറ്റു സവിശേഷതകൾ.

You might also like

Comments are closed.