കുളിക്കാനും സമ്മതിക്കില്ല.? ഡ്രോണിനെ കല്ലെടുത്ത് ഓടിക്കുന്ന ആളുടെ വീഡിയോ വൈറൽ
തൃശ്ശൂര്: ലോക്ക് ഡൗണില് അക്ഷരാർത്ഥത്തിൽ ഹീറോ ആയി മാറിയിരിക്കുകയാണ് ഡ്രോണ്. ക്യാമറകളില് പതിയുന്ന ദൃശ്യങ്ങളില് ഏറെയും ചിരിക്ക് വക നൽകുന്നതുമാണ്. കൂട്ടം കൂടുന്നവരെയെല്ലാം ഓടിയ്ക്കാന് ഇപ്പോൾ ഡ്രോൺ ആണ് പോലീസിന്റെ ഏകാശ്രയം. എന്നാല് ഡ്രോണിനെ ഓടിച്ചുവിടാന് നോക്കുന്നയാളുടെ വീഡിയോയാണ് ഇപ്പോള് സോഷ്യല് ലോകത്ത് ചിരിപടര്ത്തുന്നത്.പുഴയില് ഒറ്റയ്ക്ക് കുളിക്കാനെത്തിയയാളാണ് താരം. കുളിസീന് പകര്ത്താനെത്തിയ ഡ്രോണിനെ കല്ലെടുത്ത് എറിയുകയാണ് ഇദ്ദേഹം ചെയ്യുന്നത്. ഒറ്റയ്ക്കായതുകൊണ്ട് തന്നെ ഇദ്ദേഹം ഡ്രോണ് ക്യാമറയില് തന്നെ നോക്കി നില്ക്കുകയാണ്.എന്നിട്ടും ഡ്രോണ് തിരികെ പോകാത്തത് കൊണ്ട് ഇയാള് താഴെ നിന്നും കല്ലെടുത്തു. ഇതോടെ ഡ്രോണ് തിരികെ പറന്നു. എവിടെയാണ് സംഭവം എന്ന് വ്യക്തമല്ല, എങ്കിലും അദ്ദേഹം താരമായിരിക്കുകയാണ്.
വീഡിയോ കാണാം…