ഇറാനിൽ യാത്രാ വിമാനം തകർന്ന് മുഴുവന് പേരും മരിച്ചു
Feb 18, 2018, 16:01 IST
ടെഹ്റാൻ: ഇറാനിൽ യാത്രാ വിമാനം പർവത മേഖലയിൽ തകർന്നു വീണ് വിമാനത്തിലുണ്ടായിരുന്ന എല്ലാവരും മരിച്ചു. 60 യാത്രക്കാരും ആറ് ജീവനക്കാരുമാണ് വിമാനത്തിൽ ഉണ്ടായിരുന്നത്. ഇസ്ഫഹാൻ പ്രവിശ്യയിലെ സാഗ്രോസ് പർവത നിരയിലാണ് വിമാനം തകർന്നുവീണത്.
ടെഹ്റാനിൽ നിന്നും യസൂജിയിലേക്കു പോകുകയായിരുന്ന അസിമാൻ എയർലൈൻസിന്റെ എടിആർ 72-500 വിമാനമാണ് അപകടത്തിൽപ്പെട്ടത്. പർവത മേഖലയായതിനാൽ രക്ഷാപ്രവർത്തകർ എത്തിച്ചേരാൻ ബുദ്ധിമുട്ടി.