ഡോണൾഡ് ട്രംപുമായി ബന്ധമുണ്ടെന്ന് വെളിപ്പെടുത്തി ഒരു യുവതി കൂടി രംഗത്ത്
വാഷിംഗ്ടൺ: അമേരിക്കൻ പ്രസഡന്റ് ഡോണൾഡ് ട്രംപുമായി ബന്ധമുണ്ടെന്ന് വെളിപ്പെടുത്തി ഒരു യുവതി കൂടി രംഗത്ത്. പ്ലേബോയി മാഗസിനിന്റെ മുൻ മോഡൽ കാരെൻ മക്ഡൗഗൽ ആണ് രംഗത്തുവന്നിരിക്കുന്നത്. ട്രംപുമായി 2006 ൽ ശാരീരികബന്ധം ഉണ്ടായിരുന്നെന്നാണ് ഇവർ വെളിപ്പെടുത്തിയിരിക്കുന്നത്. മിലാനിയ ട്രംപ് ഇളയകുട്ടിയെ പ്രസവിച്ച് ഒരു മാസത്തിനു ശേഷമായിരുന്നു ഇരുവരും തമ്മിൽ ബന്ധം സ്ഥാപിച്ചതെന്നും കാരെൻ പറയുന്നു. എന്നാൽ ഇതിനൊട് പ്രതികരിക്കാൻ വൈറ്റ്ഹൗസ് തയാറായിട്ടില്ല.
അമേരിക്കൻ മാഗസിനായ ദി ന്യൂയോർക്കർ ആണ് വാർത്ത പുറത്തുവിട്ടത്. പ്ലേബോയി പാർട്ടിയിൽവച്ചാണ് ട്രംപ് ആദ്യമായി തന്നെ കണ്ടതെന്നു ഇവർ പറയുന്നു. ട്രംപുമായുള്ള ബന്ധം പുറത്തുപറയാതിരിക്കാൻ 82,500 യുഎസ് ഡോളർ നൽകിയെന്നും ആരോപിക്കുന്നു.