Nature
Times Kerala
News|Events|Travel & Tourism|Entertainment|Health|

കണ്ണട ഷോപ്പുകൾക്ക് ആഴ്ചയിൽ ഒരുദിനം പ്രവർത്തനാനുമതി പരിഗണനയിൽ ;മുഖ്യമന്ത്രി

കണ്ണട ഷോപ്പുകൾക്ക് ആഴ്ചയിൽ ഒരുദിവസം പ്രവർത്തിക്കാൻ ഇളവുനൽകുന്ന കാര്യം പരിഗണിക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. കഴിയുന്നത്ര പരീക്ഷകളും, മൂല്യനിർണയവും ഓൺലൈൻ വഴിയാക്കുന്നതിന്റെ സാധ്യത പരിശോധിക്കാൻ വിദ്യാഭ്യാസ വകുപ്പിനോട് ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു.
വേനൽ മഴ ലഭിക്കുന്നതിനാൽ കൃഷി തുടങ്ങാനുള്ള സമയമാണ്. അതിന് വളവും കാർഷിക ഉപകരണങ്ങളും അവശ്യഘടകമാണ്. ഇതു രണ്ടും ലഭ്യമാക്കാൻ സൗകര്യം ഒരുക്കും. കൊയ്ത്ത് തടസ്സമില്ലാതെ നടക്കാൻ കലക്ടർമാർ ഇടപെടും. റിസർച്ച് സ്‌കോളർമാർക്കുള്ള ഫെലോഷിപ്പ് കുടിശിക വിതരണം ചെയ്യാൻ നിർദേശം നൽകി.
സ്വകാര്യ വിദ്യാഭ്യാസ സ്ഥാപനങ്ങളിൽ രണ്ടുമാസമായി ശമ്പളം ലഭിക്കുന്നില്ല എന്ന പരാതി പരിഹരിക്കാൻ ഇടപെടും. സന്നദ്ധം വളണ്ടിയർമാർ രജിസ്ട്രേഷൻ ഊർജിതമായിട്ടുണ്ടെങ്കിലും 119 തദ്ദേശസ്ഥാപനങ്ങളിൽ 50ൽ താഴെ മാത്രം വളണ്ടിയർമാരാണുള്ളത്. ഈ വിഷയത്തിൽ പ്രത്യേക ഇടപെടലിന് തീരുമാനിച്ചു.
സംസ്ഥാനത്ത് പൊലീസിന്റെ സേവനം നന്നായി നടക്കുന്നു എന്നാണ് ലോക്ക്ഡൗൺ കാലത്തെ പൊതു വിലയിരുത്തൽ. എന്നാൽ, വീണ്ടുവിചാരമില്ലാതെ പെരുമാറുന്ന ഒറ്റപ്പെട്ട അനുഭവമുണ്ടാകുന്നുണ്ട്. ഔചിത്യപൂർണമായ ഇടപെടലാണ് വേണ്ടത്.
ജീവനക്കാർ കോവിഡ് പ്രതിരോധ പ്രവർത്തനത്തിലായതുകൊണ്ട് പല സർക്കാർ ഓഫീസുകളും അടഞ്ഞുകിടക്കുന്നുണ്ട്. കൃഷിഭവനുകൾ ഉൾപ്പെടെയുള്ളവ ആവശ്യാനുസരണം പ്രവർത്തനം ക്രമീകരിക്കണം.

You might also like

Comments are closed.