ഫ്ളോറിഡയിലെ സ്കൂളിൽ വെടിവയ്പ്; 17 കുട്ടികൾ കൊല്ലപ്പെട്ടു
Feb 15, 2018, 10:22 IST
ഫ്ളോറിഡ: അമേരിക്കയിലെ ഫ്ളോറിഡയിൽ സ്കൂളിലുണ്ടായ വെടിവയ്പിൽ 17 കുട്ടികൾ കൊല്ലപ്പെട്ടു. പാർക്ക്ലാൻഡിലെ സ്റ്റോണ്മാൻ ഡഗ്ലസ് ഹൈസ്കൂളിലാണ് ബുധനാഴ്ച ഉച്ചയ്ക്കുശേഷം വെടിവയ്പുണ്ടായത്.
വെടിവയ്പിൽ 17 കുട്ടികൾക്കു പരിക്കേറ്റിട്ടുണ്ടെന്ന് ബ്രൊവാർഡ് കൗണ്ടി ഷെരിഫ് സ്കോട്ട് ഇസ്രയേൽ അറിയിച്ചു.
സ്കൂളിലെ വിദ്യാർഥിയായിരുന്ന നിക്കോളാസ് ക്രൂസ് എന്ന പത്തൊന്പതുകാരനാണു വെടിവയ്പ് നടത്തിയതെന്നാണു റിപ്പോർട്ട്. എആർ 15 റൈഫിൾ ഉപയോഗിച്ച് വെടിയുതിർത്ത ഇയാളെ രണ്ടര മണിക്കൂറിനുശേഷം അറസ്റ്റ് ചെയ്തു.