ഡബ്ല്യുഎച്ച്ഒയ്ക്ക് അമേരിക്ക പണം നൽകില്ല: ഭീഷണിയുമായി ട്രംപ്
വാഷിംഗ്ടണ് ഡിസി: ലോകാരോഗ്യ സംഘടനയ്ക്കെതിരെ അതിരൂക്ഷ വിമര്ശനങ്ങളുമായി അമേരിക്കന് പ്രസിഡന്റ് ഡോണള്ഡ് ട്രംപ്. കഴിഞ്ഞ ദിവസം മരുന്ന് കയറ്റി അയക്കുന്നതുമായി ബന്ധപ്പെട്ട ഇന്ത്യക്ക് നേരെ ഉയർത്തിയ ഭീഷണിയുടെ പിന്നാലെയാണ് ഇപ്പോൾ ഡബ്ല്യുഎച്ച്ഒയ്ക്ക് എതിരെ ട്രംപ് നീങ്ങുന്നത്.
ഡബ്ല്യുഎച്ച്ഒ ചൈനയ്ക്ക് മാത്രമാണ് പരിഗണന നല്കുന്നതൈന്ന് ട്രംപ് തുറന്നടിച്ചു. ലോകാരോഗ്യ സംഘടനയ്ക്ക് അമേരിക്ക നല്കാറുള്ള പണം ഇനി നല്കില്ലെന്നും ട്രംപ് വ്യക്തമാക്കി. ഡബ്ല്യുഎച്ച്ഒയ്ക്ക് പണം നല്കുന്നത് നിര്ത്തി വയ്ക്കുന്നത് സംബന്ധിച്ച് തങ്ങള്ക്ക് ആലോചിക്കേണ്ടി വരുമെന്നായിരുന്നു ട്രംപ് ആദ്യം അറിയിച്ചത്. പിന്നീടാണ് പണം നല്കില്ല എന്ന് അദ്ദേഹം ഉറപ്പിച്ചു പറഞ്ഞത്. പറഞ്ഞത്. 58 മില്യണ് രൂപയാണ് പ്രതിവര്ഷം അേമേരിക്ക ഡബ്ല്യുഎച്ച്ഒയ്ക്ക് നല്കുന്നത്.