കോവിഡ് ആശങ്കയിൽ രാജ്യം: മരണ സംഖ്യ 100 കടന്നു; രോഗം സ്ഥിരീകരിച്ചവരുടെ എണ്ണം 4,067 ആയി

ന്യൂ​ഡ​ൽ​ഹി: രാജ്യത്ത് കോവിഡ് ഭീതി ഉയർത്തികൊണ്ട് ദിനംപ്രതി രോഗികളുടെ എണ്ണം വർധിച്ചുവരികയാണ്. രാ​ജ്യ​ത്ത് നാ​ലാ​യി​ര​ത്തി​ല​ധി​കം പേ​ർ​ക്ക് കോവിഡ് രോഗം സ്ഥി​രീ​ക​രി​ച്ചു. 12 മ​ണി​ക്കൂ​റി​നി​ടെ 490 പു​തി​യ കോവിഡ് കേ​സുക​ളാ​ണ് റി​പ്പോ​ർ​ട്ട് ചെ​യ്ത​ത്. ഇ​തോ​ടെ രാ​ജ്യ​ത്ത് കോവിഡ് രോ​ഗി​ക​ളു​ടെ എ​ണ്ണം 4,067 ആ​യി ഉയർന്നു.

ഇന്ത്യയിൽ കോവിഡ് മ​ര​ണ​സം​ഖ്യ​യും നൂ​റ് ക​ട​ന്നു. രാജ്യത്ത് ഇതുവരെ 109 പേ​രാ​ണ് കോ​വി​ഡ് ബാ​ധി​ച്ച് മ​രി​ച്ച​തെ​ന്ന് കേ​ന്ദ്ര ആ​രോ​ഗ്യ​മ​ന്ത്രാ​ല​യം അ​റി​യി​ച്ചു. 3,666 പേ​ർ ചി​കി​ത്സ​യി​ലാ​ണ്. 292 പേ​ർക്ക് ഇതുവരെ രോ​ഗം ഭേദമായി.

മ​ഹാ​രാ​ഷ്ട്ര​യി​ലാ​ണ് ഏറ്റവും കൂ​ടു​ത​ൽ കോ​വി​ഡ് കേ​സു​ക​ൾ റി​പ്പോ​ർ​ട്ട് ചെ​യ്തി​രി​ക്കു​ന്ന​ത്. 700ല​ധി​കം കേ​സു​ക​ളാ​ണ് ഇ​വി​ടെ റി​പ്പോ​ർ​ട്ട് ചെ​യ്തി​രി​ക്കു​ന്നു. കോവിഡ് ബാധിച്ച് 45 പേ​രാ​ണ് മ​ഹാ​രാ​ഷ്ട്ര​യി​ൽ ഇതുവരെ മ​രി​ച്ച​ത്.