ഇന്തോനേഷ്യയിൽ ടൂറിസ്റ്റ് ബസ് മറിഞ്ഞ് 27 പേർ മരിച്ചു
Feb 11, 2018, 09:40 IST
ജക്കാർത്ത: ഇന്തോനേഷ്യയിലെ ജാവാ ദ്വീപിൽ ടൂറിസ്റ്റ് ബസ് മറിഞ്ഞ് 27 പേർ മരിച്ചു. 13 പേർക്ക് പരിക്കേറ്റു. സുബാംഗ് മേഖലയിലായിരുന്നു ദുരന്തം. ഇറക്കം ഇറങ്ങിവന്ന ബസ് മോട്ടോർബൈക്കിൽ ഇടിച്ചു മലക്കം മറിയുകയായിരുന്നു. ബ്രേക്ക് നഷ്ടപ്പെട്ടതാണ് അപകടത്തിനു കാരണമെന്നു പറയപ്പെടുന്നു. നാൽപ്പതോളം പേരാണ് ബസിലുണ്ടായിരുന്നത്.