ലോക്ക്ഡൗണ്: സാധനങ്ങള് വാങ്ങാന് പോയ ആദിവാസിയായ 65കാരന് പോലീസ് മർദ്ദനത്തിൽ മരിച്ചെന്ന് ബന്ധുക്കൾ
ഭോപ്പാല്: രാജ്യവ്യാപകമായി ലോക്ക്ഡൗണ് പ്രഖ്യാപിച്ചിരിക്കെ സാധനങ്ങള് വാങ്ങാന് പോയ ആദിവാസിയായ 65കാരന് മരിച്ചത് പോലീസ് മര്ദ്ദനത്തെ തുടർന്നാണെന്ന ആരോപണവുമായി ബന്ധുക്കൾ രംഗത്ത്. മധ്യപ്രദേശിലെ ഭോപ്പാലുള്ള ധാര് നിവാസിയായ ടിഗു ബുദ്ധ്യ എന്നയാളാണ് മരിച്ചത്.
കടയിലേക്കുള്ള സാധനങ്ങള് വാങ്ങുവാന് ഗുര്ജിയിലേക്ക് പോയ ബുദ്ധ്യയെയും തന്നെയും പോലീസ് ക്രൂരമായി മര്ദ്ദിക്കുകയായിരുന്നുവെന്ന് മരുമകന് സഞ്ജയ് പറയുന്നു. മർദ്ദനമേറ്റ ബുദ്ധ്യാ ആശുപത്രിയില് വച്ചാണ് മരിച്ചത്. പരിക്കേറ്റ സഞ്ജയ് ചികിത്സയിലാണ്.
എന്നാല് വഴിയില് തളര്ന്ന് കിടന്നയാളെ ആശുപത്രിയിലെത്തിക്കുക മാത്രമാണ് തങ്ങള് ചെയ്തതെന്നാണ് പോലീസ് പറയുന്നത്..