Nature

കന്യകാത്വം നഷ്ട്ടപ്പെട്ടത്‌ 14ാം വയസിലെന്ന് ആഞ്ജലീന ജോളിയും കേയ്റ്റ് മോസും

ന്യൂയോര്‍ക്ക്: താന്‍ 14ാം വയസില്‍ ആദ്യമായി ലൈംഗിക ബന്ധത്തില്‍ ഏര്‍പ്പെട്ടിരുന്നുവെന്ന വിവാദ വെളിപ്പെടുത്തല്‍ ഹോളിവുഡ് താരം കേയ്റ്റ് മോസ് ഈ ആഴ്ച പ്രഖ്യാപിച്ചിരുന്നു. ബഹാമാസിലെ ഒരു ഫാമിലി ഹോളിഡേയ്ക്കിടയിലാണ് തന്റെ കന്യകാത്വം നഷ്ടപ്പെട്ടതെന്നാണ് അവര്‍ വെളിപ്പെടുത്തിയിരുന്നത്. ലൗ മാഗസിനോടാണ് അവര്‍ ഈ ഞെട്ടിപ്പിക്കുന്ന സത്യം തുറന്ന് പറഞ്ഞിരിക്കുന്നത്. എന്നാല്‍ മോസിന് മാത്രമല്ല മറ്റ് നിരവധി ഹോളിവുഡ് സുന്ദരികള്‍ക്കും വളരെ ചെറുപ്പത്തില്‍ തന്നെ കന്യകാത്വം കൈവിട്ട് പോയിട്ടുണ്ടെന്നാണ് ഏറ്റവും പുതിയ റിപ്പോര്‍ട്ട്.

 

താന്‍ 14ാം വയസില്‍ തന്റെ ബോയ്ഫ്രണ്ടുമായി സെക്‌സില്‍ ഏര്‍പ്പെടാന്‍ തുടങ്ങിയിരുന്നുവെന്നാണ് അഭിനേത്രിയും മനുഷ്യാവകാശ പ്രവര്‍ത്തകയുമായ ആഞ്ജലീന ജോളി വെളിപ്പെടുത്തുന്നത്. ബോയ്ഫ്രണ്ടുമായുള്ള അടുപ്പത്തില്‍ മതിമറന്ന് താന്‍ കത്തിയെടുത്ത് ബോയ്ഫ്രണ്ടിന്റെ ശരീരത്തിലും തന്റെ ശരീരത്തിലും മുറിവുകളുണ്ടാക്കി അവ ഒരുമിച്ച് ചേര്‍ത്തിരുന്നുവെന്നും തങ്ങള്‍ രക്തത്തില്‍ കുളിച്ചിരുന്നുവെന്നും ജോളി വെളിപ്പെടുത്തുന്നു.12ാം വയസില്‍ താരമായ ലിസ് ടെയ്‌ലര്‍ 14ാം വയസിലായിരുന്നു തന്റെ സഹതാരമായ മിക്കി റൂണെയുമായി അടുത്തിടപഴകാന്‍ തുടങ്ങിയത്. നാഷണല്‍ വെല്‍വെറ്റ് എന്ന ചിത്രത്തിലൂടെയായിരുന്നു ഇരുവരും താരങ്ങളായിത്തീര്‍ന്നത്.15ാം വയസില്‍ ടെയ്‌ലര്‍ നടന്‍ പീറ്റര്‍ ലാഫോര്‍ഡുമായി ലൈംഗിക ബന്ധത്തിലേര്‍പ്പെട്ട് കന്യകാത്വം നഷ്ടപ്പെടുത്തുകയും ചെയ്തു.

ന്യൂകാസിലുകാരനായ ബോയ്ഫ്രണ്ടുമായി തനിക്ക് ദീര്‍ഘകാലത്തെ ബന്ധമുണ്ടായിരുന്നുവെന്നും അവനുമായി ലൈംഗിക ബന്ധത്തിലേര്‍പ്പെട്ട് 15ാം വയസില്‍ കന്യകയല്ലാതായി തീര്‍ന്നുവെന്നുമാണ് ചെറില്‍ കോളെ വെളിപ്പെടുത്തുന്നത്.അതില്‍ താന്‍ അഭിമാനിക്കുന്നുവെന്നും എക്‌സ് ഫാക്ടര്‍ ജഡ്ജ് കൂടിയായ കോളെ പറയുന്നു. ഇതിലൂടെ താനും ബോയ്ഫ്രണ്ടും വളരെയധികം അടുത്തിരുന്നുവെന്നും അവര്‍ പറയുന്നു. തനിക്ക് 13ാം വയസില്‍ ആദ്യ സെക്‌സില്‍ ഏര്‍പ്പെടേണ്ടി വന്നിരുന്നുവെന്നാണ് ദി പൈറേറ്റ്‌സ് ഓഫ് ദി കരീബിയന്‍ സ്റ്റാറായജോണി ഡെപ് വെളിപ്പെടുത്തുന്നത്.

ഒരു കാറിന്റെ പുറകിലെ സീറ്റില്‍ കിടന്നായിരുന്നു അദ്ദേഹം ആദ്യമായി സെക്‌സ് അറിഞ്ഞത്. അന്ന് ഫ്‌ലെയിം എന്നറിയപ്പെടുന്ന ഒരു ബാന്‍ഡില്‍ ഗിത്താറിസ്റ്റായി പ്രവര്‍ത്തിച്ചിരുന്ന അദ്ദേഹം തന്റെ ആരാധികയുമായിട്ടായിരുന്നു ആദ്യമായി ബന്ധപ്പെട്ടിരുന്നത്.

Follow Us On Helo, Facebook, Telegram. Subscribe to Our Youtube Channel
You might also like

Comments are closed.