ലോകത്തിലെ ഏറ്റവും അമൂല്യ വജ്രം ലേലത്തിന്
ലണ്ടൻ: ലോകത്തിലെ ഏറ്റവും അമൂല്യവജ്രം ലണ്ടനിൽ വിൽക്കാൻ ഒരുങ്ങുന്നു.102.34 കാരറ്റ് ശുദ്ധിയുള്ള വജ്രത്തിന് ഏകദേശം 212 കോടി രൂപ(3.3 കോടി ഡോളർ)വില പ്രതീക്ഷിക്കുന്നു. ഈ വജ്രം ബോട്സ്വാനയിലെ ഖനിയിൽ നിന്നാണു കുഴിച്ചെടുത്തത്.
ന്യൂയോർക്ക് ആസ്ഥാനമായുള്ള സൗത്ത്ബീസ് ഗ്രൂപ്പാണു ലേലത്തിന്റെ സംഘാടകർ. ഏറ്റവും അമൂല്യമായതും ശുദ്ധിയുള്ളതുമായ വെളുത്ത വജ്രക്കല്ലാണിതെന്നു സൗത്ത്ബീസ് അഭിപ്രായപ്പെട്ടു. വ്യാഴാഴ്ച സൗത്ത്ബീസിന്റെ ലണ്ടനിലെ ഷോറൂമിൽ വജ്രം പ്രദർശിപ്പിച്ചിരുന്നു. 2017ൽ ഹോങ്കോംഗിൽ “പിങ്ക് സ്റ്റാർ’ എന്ന വജ്രമാണ് ഏറ്റവും ഉയർന്ന വിലയിൽ ലേലത്തിൽ വിറ്റത്. 71 മില്യൺ ഡോളറിനാണ് വജ്രം വിറ്റത്.