സിനിമാ നിർമാതാവ് ബിജോയ് ചന്ദ്രൻ അന്തരിച്ചു
Feb 10, 2018, 09:27 IST
തൃശൂർ: സിനിമാ നിർമാതാവ് ബിജോയ് ചന്ദ്രൻ (42) അന്തരിച്ചു. ഹൃദയാഘാതം മൂലമായിരുന്നു അന്ത്യം. വെള്ളിയാഴ്ച രാത്രി ഏഴോടെ തൃശൂരിൽവച്ച് ഹൃദയാഘാതം ഉണ്ടായ ഉടനെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരിച്ചു. സംസ്കാരം ശനിയാഴ്ച ഉച്ചകഴിഞ്ഞു മൂന്നിന് വീട്ടുവളപ്പിൽ.
ദിലീപ് മുഖ്യവേഷത്തിൽ അഭിനയിച്ച വെള്ളരിപ്രാവിന്റെ ചങ്ങാതിയാണ് ആദ്യ സിനിമ. റോമൻസ്, ഉത്സാഹക്കമ്മിറ്റി, ഒരു സെക്കൻഡ് ക്ലാസ് യാത്ര, ജോർജേട്ടൻസ് പൂരം, വികടകുമാരൻ തുടങ്ങിയ സിനിമകളും നിർമിച്ചു.