ഇമ്രാൻ ഖാന്റെ മുൻ ഭാര്യ രെഹം ഖാൻ പാക്കിസ്ഥാനിൽനിന്നു നാടുവിട്ടു
ലാഹോർ: തെഹ്രീക് ഇ ഇൻസാഫ് ചെയർമാനും ക്രിക്കറ്റ് താരവുമായിരുന്ന ഇമ്രാൻ ഖാന്റെ മുൻ ഭാര്യ രെഹം ഖാൻ പാക്കിസ്ഥാനിൽനിന്നു നാടുവിട്ടു. രാജ്യത്തിന്റെ വിവിധ ഭാഗങ്ങളിൽനിന്നു തനിക്കെതിരേ ഭീഷണികൾ ഉയരുന്നതിനെ തുടർന്നാണ് നടപടിയെന്ന് രെഹം വിശദീകരിക്കുന്നു.
ഫോണിലൂടെ തനിക്കും തന്റെ ജീവനക്കാർക്കും ഭീഷണി നേരിട്ടതിനെ തുടർന്ന് താൻ ഞായറാഴ്ചതന്നെ രാജ്യംവിട്ടതായി രെഹം ജിയോ ടിവിയോടു പ്രതികരിച്ചു.
2015 ജനുവരിയിലാണ് രെഹം ഖാനെ വിവാഹം ചെയ്തത് ഇമ്രാൻ ഖാൻ സ്ഥിരീകരിക്കുന്നത്. ഇമ്രാന്റെ രണ്ടാം വിവാഹമായിരുന്നു ഇത്. ഇതേവർഷം ഒക്ടോബറിൽ ഇരുവരും വേർപിരിഞ്ഞു. ഇമ്രാൻ ഖാൻ മൂന്നാം വിവാഹത്തിനു തയാറെടുക്കുന്നതിനിടെയാണ് രെഹം രാജ്യം വിടുന്നത്.