Nature

കോവിഡ് 19: വിദേശത്ത് ലഭിച്ച ജോലിക്ക് ചേരാനാവാത്ത മനോവിഷമത്തിൽ നഴ്‌സായ യുവതി ആത്മഹത്യ

ചെന്നൈ: കൊറോണ വൈറസ് ബാധ പടരുന്ന സാഹചര്യത്തിൽ വിദേശത്ത് ലഭിച്ച ജോലിക്ക് ചേരാനാവാത്ത മനോവിഷമത്തിൽ നഴ്‌സായ യുവതി ആത്മഹത്യ ചെയ്തു. ചെന്നൈ ആവഡിയി സ്വദേശിയായ സതീഷന്റെ ഭാര്യ ജോഷിർന(32)യെയാണ് വീട്ടിലെ ഫാനിൽ തൂങ്ങിമരിച്ചനിലയിൽ കണ്ടെത്തിയത്. ചെന്നൈ പോരൂരിലുള്ള സ്വകാര്യാശുപത്രിയിൽ നഴ്സായ ഇവർക്ക് സിങ്കപ്പൂരിലെ ആശുപത്രിയിൽനിന്ന് നിയമന ഉത്തരവ് ലഭിച്ചിരുന്നു. തുടർന്ന് ചെന്നൈയിലെ ജോലി രാജിവെക്കുകയുംചെയ്തു.

എന്നാൽ കൊറോണ പടരുന്നതിനാൽ സിങ്കപ്പൂരിലേക്ക് പോകാൻ കഴിഞ്ഞില്ല. ഇതിലുണ്ടായ മനോവിഷമത്തിലാണ് ആത്മഹത്യയെന്നാണ് നിഗമനം. കോവിഡ് പകരുന്ന സാഹചര്യത്തിൽ യാത്ര ഒഴിവാക്കാൻ ഭർത്താവും മാതാപിതാക്കളും നിർദേശിച്ചു. പിന്നീട് രാജ്യാന്തര വിമാനസർവീസുകൾ മുടങ്ങുകയും ചെയ്തതോടെ ജോഷിർനയുടെ യാത്ര മുടങ്ങി. ഇതേത്തുടർന്ന് കുറച്ചുദിവസങ്ങളായി ഇവർ കടുത്ത നിരാശയിലായിരുന്നു. ഇവർക്ക് മൂന്നുവയസ്സുള്ള മകളും ഒരു വയസ്സുള്ള മകനുമുണ്ട്.

You might also like

Leave A Reply

Your email address will not be published.