മോശം,മോശം..! മലപ്പുറത്ത് എടിഎം കൌണ്ടറില് നിന്ന് സാനിറ്റൈസര് മോഷണം പോയി; മോഷ്ടാവിനെ തേടി പോലീസ്; വീഡിയോ പുറത്ത് വിട്ടു
Mar 27, 2020, 09:08 IST
മലപ്പുറം: പെരിന്തൽമണ്ണ അങ്ങാടിപ്പുറത്തെ എറ്റിഎം കൗണ്ടറിൽ വച്ചിരുന്ന സാനിറ്റൈസർ ബോട്ടിൽ മോഷണം പോയി. ബോട്ടില് മോഷ്ടിച്ച കള്ളനുവേണ്ടിയുള്ള തിരച്ചിൽ പൊലീസ് അന്വേഷണം ആരംഭിച്ചു. മോഷണം നടത്തുന്നതിന്റെ വിഡിയോ സഹിതം പുറത്തുവിട്ടുകൊണ്ടാണ് പൊലീസ് തിരച്ചില് ഊര്ജിതമാക്കിയത്.
മലപ്പുറം പൊലീസിന്റെ ഔദ്യോഗിക പേജിലാണ് വിഡിയോ പോസ്റ്റ് ചെയ്തിരിക്കുന്നത്. വ്യാഴാഴ്ച്ചയാണ് സംഭവം. കൊറോണ ഭീതി നിലനിൽക്കുന്ന സാഹചര്യത്തില് ബ്രേക്ക് ദി ചെയിൻ കാമ്പയിനിന്റെ ഭാഗമായാണ് എടിഎം കൌണ്ടറില് സാനിറ്റൈസർ ബോട്ടിൽ സ്ഥാപിച്ചത്. ഇതാണ് മോഷണം പോയത്.