നിരീക്ഷണത്തിലായിരുന്ന കൊല്ലം സബ് കളക്ടർ മുങ്ങി; കേസെടുത്ത് പോലീസ്
Mar 27, 2020, 08:46 IST
കൊല്ലം: ക്വാറന്റൈനിലായിരിക്കെ നിർദ്ദേശം ലംഘിച്ച് നാടുവിട്ട കൊല്ലം സബ് കളക്ടർ അനുപം മിശ്രയ്ക്കെതിരെ കേസ്. വിദേശത്ത് നിന്നെത്തിയ അനുപം മിശ്ര കൊല്ലത്ത് നിരീക്ഷണത്തിലായിരുന്നു. കഴിഞ്ഞ ദിവസം ആരോഗ്യവകുപ്പ് ഉദ്യോഗസ്ഥര് വസതിയിലെത്തിയപ്പോള് മിശ്ര അവിടെയുണ്ടായിരുന്നില്ല. തുടർന്ന് ഫോണിൽ അധികൃതർ ബന്ധപ്പെട്ടപ്പോൾ കൺപുരിലാണെന്നാണ് മറുപടി നൽകിയത്.
അതേസമയം, മിശ്ര മുങ്ങിയ വിവരം മറച്ചുവച്ചതിന് ഇദ്ദേഹത്തിന്റെ ഗൺമാനെതിരെയും കേസെടുക്കും. തിരുവനന്തപുരം റെയ്ഞ്ച് ഡിഐജി സഞ്ജയ് കുമാർ ഗുരുഡിൻ ആണ് കേസെടുക്കാൻ ഉത്തരവിറക്കിയത്.