വാർഡിൽ നടത്തിക്കൊണ്ടുപോകുന്നതിനിടെ യുവതി പ്രസവിച്ചു; തറയിൽവീണ കുട്ടിമരിച്ചു
Feb 1, 2018, 09:53 IST
ഭോപ്പാൽ: പ്രസവവാർഡിൽ ഗർഭിണിയായ യുവതിയെ നടത്തിക്കൊണ്ടുപോകുന്നതിനിടെ പ്രസവിച്ചു. തലയടിച്ച് തറയിൽവീണ കുട്ടിമരിച്ചു. മധ്യപ്രദേശിലെ ബൈതുൽ ജില്ലാ ആശുപത്രിയിലായിരുന്നു സംഭവം.പ്രസവവേദന അനുഭവപ്പെട്ട യുവതിയെ ഡ്യൂട്ടി നഴ്സ് പ്രസവ വാർഡിലേക്ക് നടത്തിക്കൊണ്ടുപോകുകയായിരുന്നു. തങ്ങളുടെ ആദ്യത്തെ കുട്ടിയായിരുന്നു ഇതെന്ന് യുവതിയുടെ ഭർത്താവ് പറയുന്നു. വീൽചെയർ അനുവദിച്ചിരുന്നെങ്കിൽ കുട്ടിയെ നഷ്ടപ്പെടുകയില്ലായിരുന്നെന്നും ഇദ്ദേഹം പറഞ്ഞു. സംഭവത്തിൽ അന്വേഷണം നടത്തുമെന്ന് ആശുപത്രി അധികൃതർ പറഞ്ഞു.