സ്വന്തം പേരിൽ ട്രേഡ്മാർക്ക് വേണം; മെറിൽ സ്ട്രീപ്പ് അപേക്ഷ നൽകി
Jan 31, 2018, 10:11 IST
ന്യൂയോർക്ക്: സ്വന്തം പേര് ഉപയോഗിക്കുന്നതിന് ട്രേഡ് മാര്ക്ക് രജിസ്ട്രേഷന് അപേക്ഷ നൽകി ഹോളിവുഡ് നടി മെറിൽ സ്ട്രീപ്. വിനോദ ആവശ്യങ്ങൾക്ക് വേണ്ടി അനുവാദമില്ലാതെ പേര് ഉപയോഗിക്കുന്നത് തടയാൻ ലക്ഷ്യമിട്ടാണ് അപേക്ഷ സമർപ്പിച്ചത്.
ബിഗ് ലിറ്റിൽ ലൈസ് രണ്ടാം സീസണിൽ സ്ട്രീപ് അഭിനയിക്കുമെന്ന് എച്ച്ബിഒ പ്രഖ്യാപിച്ചതിന് പിന്നാലെയാണ് താരത്തിന്റെ നീക്കം. ആറു ഗോൾഡൻ ഗ്ലോബും മൂന്ന് ഓസ്കറും മൂന്ന് എമ്മിയും സ്ട്രീപ്പ് സ്വന്തമാക്കിയിട്ടുണ്ട്.